Öskjuhlíðarskóli var settur í Fossvogskirkju í morgun í 36. skipti.  Jóhann A. Kristjánsson, skólastjóri, flutti ræðu, þar sem m.a. kom fram, að nemendur við skólann yrðu 81 næsta skólaár.  Að hefðbundnum hætti voru nokkur lög sungin undir stjórn Ólafs B. Ólafssonar, tónmenntakennara, en síðan lesið í bekki og gengu nemendur og starfsmenn til skóla að því loknu.  Eftir að nemendur höfðu fengið stundatöflur í stofum sínum var boðið upp á pylsur og drykki í góðu veðri á skólalóð.  Skólaárið 2010 – 2011 hefst svo samkvæmt stundaskrá á morgun, þriðjudag 24. ágúst.  Myndir frá morgninum má finna í myndasafni.